صورتك اجمل صور ف قلبى
ولا بدارى ولا بخبى
وبرسمها بعيونى وحبى
طول عمرى اتمناك
انا عمرى ماحبيت غيرك
قلبى طول عمره بيريدك
ولايقدر ابدا يسيبك
منيين ماتروح انا وياك
انت بحبك كنت انانى
بتروح دايما وبتنسانى
قلبى يسرخ ويقول يانى
ده انت تاعبنى معاك
دايما بشرحلك وبقولك
راضيه بقساك راضيه بظلمك
لو ماكانش القلب ده حبك
كنت امشيت ولاكنت هناك
كل يوم تجيلى بحكايه
وتالف دايما فى روايه
وتقولى انتى اللى دوايه
ووبتسبنى ايام والقاك
ياما جيت وقولت وعود
وكلامك هو المعهود
دايما تقوله ولا فى بنود
وتمشينى على الاشواك
دايما تجرحنى بكلامك
ولابيهمك مين قدامك
وتسمعنى لومك وعتابك
قولى اعمل ايه وياك
دايما تظلمنى وتقول
كل كلامك مش معقول
ولابتصدقه اى عقول
ومشيت انا وخلاص سيباك
مهما تجينى وتترجانى
انا عمرى ماحرجعلك تانى
وفى حبك دايما انانى
سيبنى وروح مش حستناك
~~~~~~~~~~~~~~~~
راوية حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.