عارف ياأبني أنا راح أقولك حاجة مهمة
بس أوعدني ما تقولهاش....أمك سألتني أمبارح هو أبنك زعلان منك......ولأجل الزعلة بطل ييجي أوعي ياحاج تكون زعلتة دة هو حيلتنا وسند العمر......أة ياأبني لو تعرف اية جوايا من يوم موتك لحد اللحظة ..... نار بتكوي جوة ضلوعي من غير مكوي.,...أمك نازلة دموعها بحور وأنا مش قادر حتي عليها...خايف أقولها انك ميت لاحسن تسقط هي كمان...وأبقي وحيد بقية عمري وأنت اخدت العمر معاك.....علشان خاطري أوعي تقولها أنك ميت وأنك تحت تراب الأرض وأن عيونك كلها الدود ....أنا مش عارف أخدلك ثارك ولاأفوض أمري لربي..... يمكن ربك حيقدرني وأقدر ا قولها أنك مت ......عارف ياأبني أنت خلفت وعدك لية لية تستكثر دفنك لية وأنك ياأبني تكون علي غسلي......للدرجة دي زعلان مني حتي اللحظة اللي أتمنيتها ....يوم ما الناس تعزيك فية مابقاش حقي أحلم بيها ....هي الناس دي أحسن مني لما ولادها ياخدوا عزاها ولا ولادهم أحسن منك ولاعشان أنك ميت أنا حسيت أني بخرف وأن عقلي خلاص راح مني .......محمود سعيد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.