هذه الكلمات أهديها الي كل من كانت تجمعهم صداقة
الي من جمعتهم العشرة لمن تقاسموا اللقمة
الي من تشاركو في الأفراح والاطراح الي من اصبحو أقرب لبعض من الاهل
لاختلاف في وجهات النظر او أي اختلاف تحولت الصداقة الي عداء
الكل ينهش في الكل
الكل يتسابق في تعرية الاخر وكشف كل عيوبه
وتضخيم أخطائه كان هذه العيوب وتلك الأخطاء وليدة اللحظة
الكل انكر كل اللحظات والمواقف الجميلة ولا يتذكر الا الموقف سبب الاختلاف
الكل يتباري في تلقيح الكلام دخلنا مسابقة في حرق دم بعضنا البعض بعد ما كان بيننا ود
مع اننا كلنا بشر لنا ما لنا وعلينا ما علينا
يارب نرتقي ونتعلم الفراق الجميل بدون سب وقذف وتلقيح
ونذكر بعض بالخير
الحياة لاتستحق كل هذه الصراعات
ربنا يهدينا جميعا
************************************************
( يا صديقي) كلمات/صبري حسين
يا صديقي
تعالي ناخد على بعض عهد
عمرنا ما ندخل بنا حد
دايما نكون اوفياء بالوعد
لو في يوم حصل بنا شيء
نتعامل مع بعض
بكل أحترام وود
لاتسمح لحد ولا اسمح لحد
يعكر ينبوع الود
عايزين نقول عمرنا ماكنا لبعض ضد
تزعل مني ازعل منك
بس لازم يكون لزعلنا حد
لو جات سيرتك
بكل الخير اذكرك
على كل اللحظات الحلوة اللي كانت بنا اشكرك.
التمس لك الأعذار واعذرك
دايما أجمل صورتك
اراعي غيبتك
حقك اني احترمك واقدرك
مش معنى اختلافنا اشوهك
اختلفنا مهما يطول
مسير يجي يوم ويزول
عجلة الحياة دايراة
ممكن الأمور تتغير في ثانية
لازم تلاقيني باقي على العشرة
عارف قيمة الصداقة
الصداقة عمر ما تتهز من اي حاجة
نختلف نتفق
بجتمع نتفرق
نغرب نشرق
اللي باقية الصداقة
انا بقول دي خيبة
لما تخرج مننا العيبة
خلي قصادك كل الذكريات الحلوة
افتكر اللحظات الجميلة
لما كنا كلنا عيلة
بنقعد مع بعض على الحصيرة
كنا بنقسم بنا اللقمة
عمر البسمة مافارقت وشوشنا
معقولة لاختلاف بسيط بينا
ننسى كل الحاجات الجميلة
نمسك لبعض السيرة
نفضل نشوه الصورة
ليه الأفكار الشيطانية
ليه بندور على الأذية
نفسي اختلفنا يكون بااناقة
بلاش نقفل الأبواب والعقول
عايزين نتعامل بالاصول
نتعلم الفرافق الجميل
نبطل القال والقيل
اللي بينكر الجميل
وبيحول الحق ضلال
ده انسان خسيس
يا صديقي
عايزين ناخد على بعض عهد
لازم نحافظ على الود
ولا نجيب سيرة حد
انا وانت وهو خطائين
وخير الخطائين التوابين
ربنا سبحانه بيقبل توبة المذنبين
احنا البشر نطلع مين
يارب ارحمنا اجمعين
واجعلنا من المحسنيين
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.