م كانش العشم بقلم الشاعر .. محمد البريمى

( م كانش العشم )

م كانش العشم كده يا طيرى .. تنسانى و تلوف على غيرى ..

بعد م كبرتك تفرد ريشك .. و تنكر خيرى ..

ونا بأسند فيك .. بروحى و قلبى ..

علشان تكبر ليا .. و تصون حبى ..

م كانش العشم ..

غلطت انا .. لما شفتك و حبيتك .

و حضنتك بقلبى.. و برمشى غطيتك ..

أول م تكبر .. و يشتد عودك ..

تهجر عشى .. و تنسى و عودك ..

م كانش العشم ..

ضحيت بعمرى علشانك .. و فديتك بالروح و العين .. ..

ولا فكرتش أبدآ لحظه .. ف عذاب و أنين ..

كنت عايش بجرحى .. و صابر عليه ..

و أقول بكره حبك .. راح يداويه ..

م كانش العشم ..

بقلم الشاعر ..

محمد البريمى ..