مشوار اسمه الحياة .....حيرنا كتير معاه
من أول الطريق ........صرخنا وقولنا أه
يوم واالتاني يجري...والعمر ماشي وراه
محدش كان مخون ......مكانش لينا حيلة
عشنا في ضل حيطة........أب وأم وعيلة
الضحكة كانت بتطلع..حلوة صافية جميلة
لف الزمن دا ودار.....وبدأنا في المشوار
مشوار اسمه الحياة ....حيرنا كتير معاه
من أول الطريق .......صرخنا وقولنا أه
بقينا في الدوامه...........وتعبنا فيها ياما
من كتر جراحنا فيها..سابت جوانا علامة
اتغيرت ملامحنا.....ووقعنا في ألف محنة
قولنا نقوم ونعافر......فضلنا زي ما احنا
أيام كتير حزانا.....ولسه واقفين مطرحنا
كأن زمننا دا طير.....طلع له جناح بيطير
اتاريه عمال بيجري....بيعد في المشاوير
مشوار اسمه الحياة ...حيرنا كتير معاه
من أول الطريق ......صرخنا وقولنا أه
&&&&&&&&&&&&&&&&&&&
بيبو السويفي ................كلمات موثقة
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.