من بوح الصوره
حيرتنى الصوره دى
صعب اكتب ليها بوح
صعب اشرح بالكلام
صعب اوصف الالام
معقوله ورده بتتشنق
قولت اخللى الورده اطفال الشوارع
بس كانت الصوره اقوى
حتى سوريه والفظايع
ياجماعه الصوره ورده بتتشنق
ما لقيتش اسؤ م الكرامه
قتلوا الكرامه يوم ما شنقوا صدام حسين
بعدها شنقوا فينا الكبرياء
مش رياء صدام بدايه
بعدها بدؤا ثورات الدماء
اى طفل وارمله اى حته مدمره
هانت وهنا احنا كمان
لما شنقوا الكبرياء
والمهانه للعرب بالخضوع كانت رداء
اعزرونى مش ح طول فى الكلام
مش ح شارك فى السباق
الصوره دى بركان الم
الصوره دى خنجر بينزف بالدماء
بقلمى *** محمود طنطاوى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.