مونولوج
(بص تحتك)
بص تحتك ما هتتعبش
واحمد ربك ولا تطمعش
***
لما تبص يا صاحبى لفوق
للى حداه مال أو فدادين
هتحس انك كده مخنوق
وتحس ان القلب حزين
دا ربنا مقسم رزقه
على كل خلقه ولا بيظلمش
بص تحتك ماهتتعبش
بص تحتك ياما هتلاقى
الدنيا فيها الناس ملايين
اللى فقير واللى ماهوش لاقى
واللى على الأرصفة نايمين
لما تشوف أحوال الناس
وتشوف حالك ماهتزعلش
بص تحتك ماهتتعبش
بص تحتك واحمد ربك
ع الصحه اللى تملى حديد
ديماً حِب الناس هتحبك
دالحب أجمل شيئ فى الإيد
مشى شطانك لما يقولك
فلان معاه وانتا ماعندكش
بص تحتك ماهتتعبش
لما تِلف الدنيا بحالها
شرق وغرب شمال وجنوب
مش هينولك أبدا منها
الا اللى ف رزقك مكتوب
عيش راضى ديما هتلاقى
كنز القناعه مايتعوضش
بص تحتك ماهتتعبش
*****************
كلمات
شاعر الإحساس
رضا عبد الحميد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.