على الله نعود
على الله تعودى يا سوريه
وترجع ليكى ايامك
على الله تعودى ياليبيا
ويحتار فيكى اعدائك
عشان النسر له جناحين
ومصر جريحه فى بعادك
على الله تعودى يابغداد
على الله تعودى يا صنعاء
على الله تعودوا من تانى
ويبقى للعرب هيبه
بلاش خيبه
بقينا فرجه العالم
واحرارنا بقوا لاجئين
وبعد ما كنا رأسنا لفوق
بقت رأسنا خلاص فى الطين
من الجانى
ومين كان اللى مجنى عليه
بناكل لحم بعضينا
ونسئل ليه
وبنعظم اعادينا
وفى الازمه بنجري عليه
ورغم ان العدو معروف
بنختاره وسيط لينا
كأنى بأطفى نار بسولار
تشعلل فرقه وسطينا
ويزداد الالم والجرح
وينسانا ربيع الفرح
وبين الشك والريبه
خلاص مبقاش لنا هيبه
بلالالا خيبه
اشعار *** محمود طنطاوى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.