اسقينى نور سيدى
من ديوان/ السيرة النبوية
ولسه الفؤاد عطشان
للشاعر / مصطفى فريد
جوة المساجد بشر
اطياف على ألوان
صفوف ملايكة هنا.
بتصلى. للرحمن
مابين إيدين. ربنا
خلف الإمام بأمان
عايشين. بذكر الله
وييرفعوه. بآدان
هلت روايح محمد
ع الكون كما البستان
هو. الشفيع المقرب.
هو. النبى العدنان
رتل ياشيخ. مسجدى
إغسلنى بالقرآن
إسقينى نور سيدى
لسه الفؤاد عطشان
علمنى أطهر حياتى
وآهاتى من البهتان
إغسل خطايا ذنوبى
علمنى أكون انسان
أغلب بكل. الإرادة
وساوس الشيطان
ولا يبقى له ولايا.
علي. ولا سلطان
واسيب طريق الغواية
والشر والعصيان
علمنى فى حضرتك
إزاى أصوم رمضان
وصيامى يبقى صحيح
ميفسدوش بطلان
وإن. يوم أسأت الأدب
أدبنى. بالقرآن
وازاى حدود ربنا
ما يخطهاش. غلطان
علمنى. أعلم. ولادى.
البر. والإحسان
ويقيموا. فرض. الصلا
ويرتلوا القرآن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.