القلب الطيب
.....................
أنا قلبي الطيب
لساه طيب ...
ما بيعرف يجرح
جايلك بيبارك ليك
متمني تتهنى وتفرح
ناسي اللي حصل له
ومين وصل له
مش محتاج تشرح
أول ما عيونك
جم ندهوللي
خدني هواك وأسرح
هنسا اللي ما بينا
وهبدأ تاني ...
يمكن أعيش وأفرح
صفحه وهطويها
بكل ما فيها
بأيدي هداوي الجرح
حلوها مرها
قربك بعدك
هيجيللي يوم وأرتاح
راح أعيش من غيرك
وأطلق طيرك
بقى من الماضي وراح
أنا قلبي الطيب
لساه طيب ..
ما بيعرف يجرح
جالك لوداعك
شوف بقى حالك
يوم حزني بتفرح
وعليك راح أسلم
وأنا بتألم ..
وأرسم ضحكه فرح
هعتب على قلبي
ليه وصلني ..
وأنا في عيوني جراح
أنا قلبي الطيب
لساه طيب ..
إتعلم يفرح ..
بقلم .. صبري رسلان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.