(قالو عنيد)
قلت عنيد
وف حبك كمان بيزيد
كل يوم عن يوم عندي
زرعتك ورده في بستاني
وبشوق السنين دايب
وسايب
قلبي في ايديكي
فاكره متهني ومستني
يشوف الفرحه
ماشافش منك غير أشواك
ياما سهرت بغزلك
نجوم الليل على ضيك
قصائد شعر
تنسيني هموم الهجر
وكل مره بتأمل
مبشوفش منك غير الغدر
واسهرلك اغنيلك
وقلبي بشوق يناديلك
وانتي بتروحي عني بعيد
يبقي لازم ابقي عنيد
هيجي اليوم واعيش زيك
وادوس بأديا على ضيك
ومن غيرك هعيش مبسوط
وخالي البال
واقول موال
علي هجرك ومن غدرك
هبطل ف يوم اغنيلك
والا هسهر كمان ليلك
والا هحزن
والا هحزن عليكي في يوم
وباندم اني عشت
ف يوم في محرابك
وشلتك جوه نني العين
في وقت
ما الكل هنا سابك
وكان القلب خدامك
وياريتو
ف يوم كان عاجبك
خلاص سايبك
القلب اللي في يوم دوستيه
والا عمره
ماشاف منك حنيه
والا راضيتيه
القلب اللي كان هايم
وصاحي نايم على حبك
خلاص سايبك
وعمره في يوم
ما هيبقي عنيد
أبو رامي الاسواني
١٨/٨/٢٠١٩
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.