على ضوء الشموع
على ضوء الشموع / سهرت الليل اناجيك
باحبك حب مش معقول /ياحبيبى وروحى فيك
اشوف صورتك فى احلامى /وفى اليقظه كمان اناديك
يدوب قلبى واشواقى /ياحبيبى بروحى افديك
ونار الشمعه بتشعلل /فى قلبى النار
فى عيد ميلادى تنسانى /ده قلبى احتار
شربت الشهد فى كأسى /بطعم مرار
وانا عينى جفاها النوم /وعقلى تاه من الافكار
يدوب الشمع حواليا /وانا قلبى كمان بيدوب
واقول يادمعتى كفايه / بتبكى ليه على المكتوب
واقول ياقلبى ليه تحزن /يرد يقول انا مغصوب
مسير الدنيا تضحك لى / وترجع لى انت يال محبوب
شعر احمد اسماعيل/ شاعر العرب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.