.الغربه .. ..شعر الأستاذ/محمود القطوعي

محمود القطوعى ..الغربه ..

..شعر الأستاذ/محمود القطوعي ..

غريب ياللي تعيش غربه كويها عذاب ..

غريب ياللي ما يسأل يوم عليك احباب ..

ولايردوا على سؤالك بربع جواب ..

ويحسدوك الناس ودمعك ع الخدود غلاب

..ياغربه ليه وخداني ..

سيبيني ارجع لأحبابي ..

اعيش العمر من تاني ..

وانسى الهم وغيابي..

الصبر عمره ما قواني ..

ضايع وحيد ف عذابي ..

وهم الفكر خلاني ..

غريب عن روحي وشبابي ..

شعر الأستاذ/محمود القطوعي ..

اكلم روحي واتأمل..

ولااسمع غير رنين صوتي ..

واجي على نفسي واتحمل ..

واقول ياايام على خير فوتي..

اقول الكلمه ولا اكمل ..

واخاف م الوحده وسكوتي ..

وليل الغربه بيطول ..

وانا المجروح شايف موتي ..

بفتكر عيشة واحباب..

وفرحة شوق واماني ..

وزماني قاسى وكداب ..

لكنه راح ولاجاني ..

وواعدنا نكون احباب ..

لكن بغدره رماني ..

غريب انا مع الأغراب..

ولا رد لجواب جالي ..شعر الأستاذ/محمود القطوعي