.. *** ماتت قلوب الناس *** ...
الظلم علم في الزمن
دابت قلوب الناس
كتير بيدفع التمن
ويقتل الاحساس
الضحكة لحظة يازمن
والحزن لينا اساس
الدنيا تسرق فرحتك
تلقي العذاب الوان
والظلم يخنق ضحكتك
والاهة فى العنوان
ومين هيسمع شكوتك
لاصحبة ولا اخوان
كل القلوب اتغيرت
واتبدل الاحساس
اوعي تلوم ياجدع
كاس المرار مليان
قلوب مدوبها الوجع
وقلوب حجر صوان
الحر تاه واتخدع
حتى الاصيل اتهان
الرحمة فين يازمن
ماتت قلوب الناس
بقلمي .. الشاعرناصرعطامحمد
بقلمي .. Nasser Atta
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.