قصيدة/غصب عني بغير عليه
بقلمى/نيفار أحمد عبد الرحمن
أيوا سئت الظن فيه
غصب عني بغير عليه
لما شفت بعيني واحده
في الرسايل بتلاغيه
الشيطان وسوس وقالي
عيب كرامتك إحظريه
ليه تسيبي الناس تشاركك
في اللي قلبك مال إليه
اوعي لحظة تكوني هبلة
او تكوني واثقة فيه
هو شاعر لي مكانته
الف واحده هايمه بيه
قبل منك ناس عِرفها
والنتيجة كُنتي ليه
بكره وقتك عنده يخلص
تبقي قصه بين ماضيه
تبقي لعبة زي غيرك
شوفي غيره واخلعيه
استعذت وقلت لاء
دا بحياتي أشتريه
مستحيل اسمع وساوس
في اللي شالني بين عينه
لو هصدق كل كدبه
يبقى أنا اللي جنيت عليه
لو في يوم حسسته غيرتي
كل دا من عشمي فيه
مستحيل هاقدر أكمل
أي سكة إلا بيه
بعشقه
وبموت عليه
بقلمى/نيفار أحمد عبد الرحمن
ملكية فكرية مسجله باسمي
حقوق النشر محفوظة بإسمي
رقم الايداع/٤٣٢٥٤٦٦٧/٢٠١٩
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.