إوعاك تفكر إني
في يوم هنساك
أو أنسي حبك
ولوعتي بهواك
كل الأماني قتلتها
في لحظه كنت
فيها بتمناك
كنت مستني تقول
بحبك
أوحتي تقول بهواك
لكن لقيتك بتهرب
بكلامك المعسول
كلام ظاهره الرحمة
وباطنه كله شوك
وخنجرك مسموم
في يوم مشئوم
كان الفرح فيه لابس
عباية الشوق
والورد فايح عبيره
والقلب ليك يتوق
طفيت شموع الأمل
والعهد نسيته
وهان عليك الود
وبسرعه داريته
مكنتش أعرف أن
القدر ضارب الودع
وناصب شباك الوجع
وإن النصيب محتوم
وفي لحظه واحده كان
الوداع علي خد الزمان
مرسوم
راح الأمل وأنعدم
وخد معاه النوم
وساب لقلبي الألم
وكتب القلم أنساك
وكيف أنساك
وقلبي واخده معاك
قافل عليه قضبان
ورافع العصيان
وقايد جمار الشوق
وطول مهو معاك
لا يمكن بيوم أنساك
واقضي العمر كله
عايش على ذكراك
إوعاك تفكر إني
في يوم هنساك
بقلمي سليم الغنام
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.