أأأأه يا قلبي أأأأه
........................
أه لو أقدر أخلعك
ومن جزورك أقلعك
كنت بأديا أقطعك
وأرميك في النار
وبأديا دول أولعك
زي ما توجعنى لابد
انا كمان أوجعك
علشان تحس أنا
قد أيه بعاني نارك
ماهو مش قراري
دا كان قرارك
يا سبب تعذيبي
مانتاش حبيبي
زي ما رمتني في النار
لازم كمان بيها ألسوعك
وأأنبك وأعنفك وم الكلام
اللي بيوجع لازم أشبعك
يمكن تحس بلوعتي
ونار أهاااااااتي وحرقتي
وعنيا اللي ياما بسببك
دمعت
لازم كمان أعرفك
كان قد أيه عهدي معك
إخلاص وصدق ماله حدود
وياما كنت معاك ودود
ولما إتخطيت كل الحدود
وجب عليا أودعك
وأحطم كل القلاع
وألغي كمان عهدى معك
وليا رب اسمه الكريم
يوم القيامه هيسألك
ولو ما رديت السؤال
في نار جهنم هَيُودعك
وأسمع صراخك و الأنين
وأسمع كمان صوت أضلعك
ولو طلبت مني السماح
حتي الشفاعه ما هشفعك
أه يا قلبي لو كنت أقدر أخلعك
ومن بين ضلوعي أقدر أقلعك
ما كنت عانيت مر العذاب
وما كانت عنيا فيك دمعت
الله معك كل اللي عملته
مش راح ينفعك الله معك
أه يا قلبي لو كنت أقدر أخلعك
بقلمي سليم الغنام
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.