كلام فى حب النبى
(مديح)
يا عاشقين النبى
حب النبى أفراح
واللى يصلى عليه
قلبه لازم يرتاح
ويعيش فى نعمه وسعاده
ومن نجاح لنجاح
انا إللى عاشق محمد
وقلبى فيه مداح
ولما بسمع اسمه
باطير وفرحى جناح
هوه الجميل المكمل
وصفوة الفتاح
هوه الطبيب المداوى
فى الدنيا لكل جراح
هوه اللى زرع الحياه
حب وأمل وسماح
واحلى اسم انكتب
ع الورق وفى الألواح
حملتبه امه وكان
حملها مرتاح
ومات أبوه وهوه فى بطنها
لسه لاجه ولاراح
وف وضعه ماحستش
لا بألم ولا بجراح
فى رضاعته حليمه
شافت الخير مسا وصباح
مولود يتيم لكن
كان لليتامى مصباح
وخديجه فى تجارته
جالها كتير ارباح
ان كنت عايز السعاده
فى الدنيا وعايز الفلاح
صلى على محمد
بحماس وبانشراح
وان كنت عايز الجنه
فى سنته المفتاح
(مدح)
شاعر الإحساس
رضا عبد الحميد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.