خبرني يا شاعر عن الحب بأشعارك
عن حكاية البنت الوهمية
عن كلمات وحروف وآهات وخبريات بهاك السهرية
عشق وغرام وروايات وأسرار مخفية
حب وعذاب البنت الشقية
صدق الكلام ونغمة النايات
عن أحلام بيضا والورود فيها جورية
قصص بهالدني صارت غريبة
وأخبارها من هالزمان ضايعة ومنسية
حروف منسقة والكلمات مدهبي
فيها نثر وفيها ابيات شعرية
سواد الكحل ورموش نعساني
مزينة بألوان والألوان سحرية
قلتلها يا حلوة اسمعيني بهداوي
وتمعن وشوية روية
انا مني شاعر
انا كاتب خواطر
كتلة احساس ومشاعر
وبغير نسمة هوا هبت
من عطر حبيبي ماني شاعر
كانت الأجمل وكانت الأحلى
وكان السحر بعينيها ولا أحلى
وغمزات خدودها أحلى وأحلى
وكان المر من لمسة إيديها بيحلا
لوحة بالغرام ملياني
بنت صغيرة ناطرة الأمير
ومن التعب العيون غفياني
عصفورة من الخجل هرباني
والعصفور يسابقها
بالورد زين جدايلها
وبوسي عالخد حرزاني
تكفي مشوارها ومن جوات قلبها
العصفورة من العشق فرحاني
إحساس ومشاعر بقلمي محمود عجور
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.