جرح الخيانه
من ديوان/ بيحسدوك على إيه
للشاعر/ مصطفى فريد
مكتوب تموتى
قدام عنيه
عطشانه لي
كل يوم
وتزيدى غيره
وعذاب وحيرة
لما تشوفينى
قلبك يصوم
مايشفش غيرى
يفضل أسيرى
وعنيكى تسهر
ما يجيها نوم
ودموع عنيكى
تحرق إيديكى
تنده عليكى
بصوت جنون
والقلب سامع
لكنه دامع
مش لجلك انتى
عشق النجوم
من بعد هجرك
ما عادش فاكرك
جرح الخيانه
مليان سموم
لساه بيكوى
قلبى فى صدرى
لساه بيعوى
فى ليل الهموم
طهرنى جرحك
ونسيت ملامحك
بهتانه صورتك
جوه العيون
قلبى إللى حبك
كام مره سامحك
وحفظ لعهدك
رغم الظنون
ما تمرش فيكى
وكان نصيبى
طعنة جحودك
له كل يوم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.