قصيده بعنوان
(جايب ورد)
تهدينى وتقدم
لي إعتذار.
أنا بتعجب
وبستغرب
وبتأمل
وبعض شفايفى
من الغيظ
وعقلى
فيك إحتار.
هو أنت كده
غريب طبعك
بتتشكل بكام
لون وقناع
ولا كل
إل جواك
أسرار.
تضحك علي
بكلمه ودمعه
من عينك.
وتكوى
قلبى بنار.
جايب ورد
تهدينى.
وتقدم لي
إعتذار.
نسيت قلبى
إل حبك
وليك من بين
النساء إختار.
تفتكر ممكن
قلبى يلين
ويسامحك.
تفتكر يسلم
عليك تانى
ويصافحك.
تفتكر أنسى
فى يوم
جرحك.
جايب ورد
تهدينى.
آه يا قلبك
القاسى.
آه يابرودك
كأنك لوح
تلج قدامى.
معدوم من
كل المشاعر
حتى فى
إعتذارك برضو
جبار.
خلاص أنا
بكدا وعبطى.
هانسى ماضيك.
وذكرى كانت
ليك.
وقلبى إل
حطمته بإيديك.
وأتعبته وسقيته
من مرك سم
فى كاساتك.
وشرب من
عطشه آهاتك
خلاص نسيت
بلاويك.
ياريت تقفل
بابى علي
وترحل
خلينى أتنفس
خلينى أبكى
بحرقه وأتندم
على ماضى
كنت فيه
مبهم.
لا فاكرنى
ولا حتى مين
إسمى حتى
نسيت رسمى.
يمكن.
ألاقى فى
آخر عمرى
براح.
وتكون مت
جواي
وأقضى الباقى
مرتاح.
جايب ورد
تهدينى
13/6/2019
ترنيمات وخواطر........ بقلم.......)
خيرى حسنى..............................)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.