عنك دنيتي ما بتغنيني
من شوفتك اوعي تحرميني
يا غاليه قلبي بحبك موت
بكفي قسا يا بنت حبيني
حبي الك عا طول مش موقوت
طول العمر يا روح وسنيني
بكفي جفا بكفي صمت وسكوت
بعين الوصل حني وشوفيني
صبي الوفا بكاس الوفا ت يفوت
عالقلب يا عمري وهنيني
اوعي تخلي هالقلب ممقوت
من خدك التفاح طعميني
نفسي بحبه من كبوش التوت
لا تبخلي علي وتصديني
ومن خمرة الشفه المثل ياقوت
صبي قدح يا بنت واسقيني
تا اسكر وانت تصحيني
وما بين دياتك تضميني
يا روح قلبي ويا نظر عيني
=== محمود شبيب ===
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.