(ليه الكلام بيهرب مني) كلمات/صبري حسين
انا
اللي بكتب واصور
واوصف المشاعر
لما اجي اكلمك بكون محتار
ولكلامي مش عارف اختار
المعاني من راسي تطير
ببقي في حالة انهيار
نفسي اقدر
اتكلم وعن حالي اعبر
ليه الكلام مني بيتبخر
والحروف علي شفتي بتتكسر
لامتي هاعيش في حالة الانبهار
انا نفسي اخد قرار
وافتح وياك الف حوار
نفسي ناخد وندي
عايزك تسمع كلامي
وتوصلك كل المعاني
نفسي تشوف قلبي
وتقرا اللي في عيوني
تعبت من خوفي
عايز ارتاح من همومي
واخرج عن صمتي
عايزك تفهمني
نفسي تحتويني
وبرموشك تغطيني
ومن حنانك تسقيني
امتي يا روحي
منك تقربني
بعدك قتلني
محتاجلك يا روحي
يا نبض قلبي
ساعدني
محتاجلك ياعمري
طال صبري
العمر بيجري
وانا علي صمتي
نفسي
افهم ليه الكلام بيهرب مني
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.