صباح العز يابلادى
من ديوان /ضى نهار
للشاعر / مصطفى فريد
صباح الحب يجمعنا.
فى نن العين.
نسيج واحد مايفرقنا.
لا لون ولا دين.
صباح مكتوب على ضيه.
بخط مبين.
ضياء فجرى بياخد.
من ضياكى حنين.
صباح مليان ملاغية.
وحنية.
وكف وليد عليه.
أمه مسميه.
صباح لايق.
لست الكل يابهيه.
رقيتك من حسد عينى.
واسم الله يامحميه.
صباح رسماه
خيوط الشمس ع الميه.
ومركب ماشيه تتهادى.
سابحة زى بلطيه.
على خد الأمل سارحه.
بنرسم له معديه.
ورزق المولى يحضنى.
بنشوة فرحته بيا.
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.