ياما حلمنا سوا
احلام كتير
طارت وراحت فى الهوا
وده شئ خطير
============
ازاى تنسى احلامنا
وتمر بينا ايامنا
والعمر يعدى قدامنا
ده شئ كتير
============
فاكر لما كلمتنى
اول مره وشرحتلى
وكمان كمان قولتلى
انتى السعاده والهنا
من غيرك مش هعيش انا
انتى ياأجمل سوسنه
وكلام كتير
===========
فاكر كلامى وضحكتى
وانا ماشيه جنبك فى سكتى
كنت تقولى يامهجتى
ماتبعديش عنى ثوانى
انتى يااجمل المعانى
مش بخلص ابدا كلام
لما بشوفك ياغرامى
===============
وانا كنت اقولك ياحياتى
اعيش معاك ليوم مماتى
وحتى كمان كلام سكاتى
كان بيقولك كل حكاياتى
=================
ياماكتبنا لبعضنا
وشرحنا شوقنا وحبنا
ده العمر عدا مننا
لاخدنا بالنا ولااحنا هنا
===============
فات اللى فات من عمرنا
والذكريات حتدلنا
وتفكرنا بايام لؤانا
وتحكى وتقول عننا
==============
انا ياما قولت كلام كتير
عنك وعنى وانا لك اسير
قلبى بينبض باسمك كتير
ونبضة عندك من سنين
=================
وانت اللى سبته وقسيت عليه
انت استفدت من ده بايه
انك فارقت دالوقت ليه
كان نفسى اعيش واحس بيك
تقول كلام واقراه فى عنيك
وقلبى ده شاور عليك
=================
وقال حرام اوعي تسيبيه
انا عمرى ماسبتك ثوانى
حتى فى بعدك
قلبى ندانى
ونبض قلبى بيدق تانى
وحرف اسمك كتبته يانى
=================
فارقت قلبى وودعت حبى
ليه تنسى دايما ودى وقربى
وهان عليك نوحى ودمعى
وبعت ليك ترحم عيونى
من يوم بعادك مابيرحمونى
ليه القسيه منك ياقلبى
ويهون عليك دمعة عيونى
الله يسامحك ع اللى عملته
قلبك دا قاسى بانت قساوته
وطال غيابك ماانت اللى سيبته
بنار بعادك قلبى وتعبته
خلاص راح انسى واداوى جرحى
وامسح دموعى انا دي راحتى
فى بعادى عنك ما انت جرحته
=====================
بقلمى/راوية حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.