يامصرى يابن المصرى
دا إحنا عشنا سوى عصرى
من يوم ماسمحناللأجنبى
يبنى قصر فى أرضى
قال :القصر دا قصرى
والأرض دى أرضى
دوقنا المر من عصر
محمد على لعصرى
سرق منى لقمتى
وقلعنى هدمتى
وخرب ذمتى
زهقنى ف عيشتى
مرر حياتى
زرع الفرقه
بينى وبين أهلى
مره زمالك وأهلى
ومره مسلم ومسيحى
إخوانى وسلفى
فرق المجتمع أطياف
أطياف تاكل بعضها
وتشرب من دم بعضها
ياناس اصحوا
لأطماع الأجنبى
اللى قسم أرضى
وبينهش لحمى وعرضى
بقلم :محمدحجاج
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.