** 🌿 فوسفور 🌿 **
فوسفور فوسفور .. وبيحكمه طور
حشرولنا البلحه .. فقلب الزور
سرقوا الأحلام .. وطفوا الإيام
تطبيل فى جواز .. بهتان أو زور
***** ***** ***** *****
فوسفور فوسفور .. مقطوع موتور
عجنوه طبخوه .. فى الفته جابوه
والقلب العقل .. بجزمه داسوه
وتيران دايسين .. حرمات الدور
طب امتى الظلم .. بإيدنا يغور
***** ***** ***** *****
وتيران متباعه .. بقرن تيران
وباركها شيوخ .. قسيس وجبان
ياسنافر ليه .. بايعين سنافير
بحصانكو القزم .. ورفس حمير
طب امتى الحق .. يابق يبان
***** ***** ***** *****
فوسفورنا قانون .. مطبوخ فى كانون
مرشوش بسباخ .. إعلام مجنون
ع البركه البط .. أتلم و نط
وبريشهم كتبوا .. وكبتوا الخط
شربوا ورقصوا .. ورسمولنا مجون
***** ***** ***** *****
فى مروج وبروج .. كتبوه وقروه
وبلون الروچ .. عن عينا داروه
ممجوج مرجوج .. فى عقولنا رموه
محروس بسلاح .. من عصف رياح
وهاييجى صباح .. من لا أو نو
***** ***** ***** *****
حسن الليثى
3/4/2019
***** ***** ***** *****
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.