مصر
مصر يا روح الروح يا بلدنا
أمتى النور ح يعود
تطرحي شمس الدفا في بيوتنا
بيننا أمان موجود
والاقي الهنا
ربيع عندنا
وأرضك فيها الجود
حياتي فدا
واصد العدا
واشوف الفرحه تسود
💫💫💫
يا بلدي انا فيكي بكون خايف
في طريقك ماشي ومش شايف
و أطامنك رغم انا مش عارف
مين فيكي يا بلدي مهددنا
💫💫💫
نفسي امشي في عز الليل جنبك
واحس بدفئ وازور دربك
والاقي بعيني النور عالي
واغني واقولك موالي
واشوف الحب ويهنى لي
وأحس بدقاتي في قلبك
🌈🌈🌈
مصر يا اول نور حياتي
جبتي القسوة منين
دمعي عشانك بقى حكاياتي
وساكن روحي أنين
فين الوفا
ليه الجفا
طيبة ناسك فين
وليه من سنه
ماليكي الضنا
ودمعك مالي العين
💫💫💫
يا رب يا عالم احوالنا
تبارك لينا في اعمالنا
وتهدي العاصي في يوم جالك
وترزقنا الخير في عيالنا
💫💫💫
ونصبح في الخير علي بابك
ويفرح قلبنا بجوابك
واشوف النور فيكي ليالي
واغني واقولك موالي
بهمسك عيشتي ح تهنى لي
واحس بدقاتي في قلبك
ياسر مهدي عمرو
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.