"""""""""""" كنا زمان """"""""""""""""
كنا وكان ده كان زمان
كان الشارع بالناس ماليان
زحمه ولمه وحب وصحبه وامان
كانت النفوس صافيه وجمالها بيبان
الود كان ماوصول بين الصحاب والجيران
الشر كان مدفون ولاكان له بينا مكان
كانت الشهامه والرجوله للكل عنوان
كانت تمشي بنتي وبنتك اختي واختك بامان
العيشه كانت مرتاحه والوشوش فرحانه زمان
لقمه بسيطه تلم العيله والكل يقوم شبعان
إيه اللي جار في الدنيا والناس والزمان
الاخ كارهه اخوه ويشهر بيه ويقول ده تعبان
والجار حاسد على جاره وبسيرته علي كل لسان
والصاحب خاين وبايع وناسي العشره كمان
والبنت ماشيه مش عقله ومن لبسها الجسم بيبان
وواقف ليها في الشارع شاب مفترس كالحيوان
والكذب اصبح اسمي كلام والغدر بقي عنوان
والمساجد اصبحت خالا وساكنها في اول رمضان
والآداب اصبح عدم وكانه اندفن مع ناس زمان
ايوة فيه ناس محافظه على القيم زاي زمان
بس يارتنا نتجمع على المحبه وعلي الامان
ويجي حد بعدنا بحب يحكي عننا ويقول كنا زمان
............ كنا زمان........ بقلمي محمد رمضان......5/4/2019
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.