يا ريتك طيارة وعلي بشي غارة
تفتحيلي قلبي وتشوفي شو خباره
يا ريتك سيارة تمري بهالحارة
قلبي يضوي احمر وتوقف عالاشارة
يا ريتك عبارة وخدي هالعبارة
حبي منوا خسارة وما تبقى محتارة
يا ريتك شي نجمة بنوته ومحتشمة
وضلك مبتسمة وترخي علي نوارة
يا ريتك مخدي يلامس خدك خدي
وتنامي عزندي نامي الليلة عندي
يا ريتك شي جارة وبنفس العمارة
بابك على بابي وتعمليلي زيارة
يا ريتك معلمة بوسة بخدي معلمة
وتكوني شطورة وتصيري علي معلمة
نطرتك يا صغيرة حتى صرتي كبيرة
غبتي وما بينتي تركتي بقلبي حيرة
يا ريتك بقلمي محمود عجور
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.