قصيدة بعنوان ≤≤≤عودة ميت≥≥≥
انا الميت إل رجعت للدنيا
بعد ماأيقنت انها فانيه
بدور على بيتى ملقتهوش
أتارى الورثه باعوه بكام ملتوش
قولت اروح لولادى
مهما فلذة اكبادى
قبلنى الأول بوش بشوش
حضانى وقبلنى كأنى ماسبتوش
فرحت وقولت ديه الجنه
هاعيش فيها واتهنى
اتارى الجنه بقت نار
وطلعت عشته مرار
قولت اروح للتانى
اصله ابنى الوسطانى
وكان له قلبى وحنانى
قالى روح وانسانى
دا انا الدنيا وخدانى
وماعاد ليا إلا مراتى وعيالى
بكيت بحرقه سكنت وجدانى
وقولت اروح ل بنتى
ماهى إللى كانت بتداوى وجعتى
وكانت بتراعى شيبتى
طلع جوزها وقالى مين انت
قولت له انا اللى جوزتك بنتى
وجهزتها لك من شقاى وتعبى
قالى انت غلطان ف العنوان
و روجوعك ماكان ف الحسبان
روح دور لك على مكان
عيش فيه وانسى إل كان
روحت ع التربه بدموعى
استنى تانى يجى يومى
بدل ماكل إل فى الدنيا نكرونى
بقلم✏ جيهان الطنطاوى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.