(( مشيت))
مشيت على الاشواك
و جحر كام تعبان
شوفت ف طريقي هلاك
ما قابلت ولا انسان
و اللي جعلني أسير
و اكمل المشوار
مخلوق عامل صاحب
لكن،، في أصله جبان
و مشيت كمان و كمان
قابلوني ،،، خلاني
اخذوني بالاحضان
عاتبوني من تاني
شوفت ف عنيهم مكر
و غلبني طول الفكر
رديت لهم بالشكر
رجعتو ا،، احزاني
كملت في مسيرتي
قابلني غدر زمان
كان يوم سبب حيرتي
تعبان شبه انسان
قاللي انت فاكرني
انا اللي خونتك يوم
حاول تخاف مني
انا لسه زي زمان
و مشيت كمان و كمان
قابلوني ناس طيبين
و نادوني يا انسان
اهلا،، و مرحبتين
اخذوني بالأحضان
فينك يا طيب،، فين
رديت و قولت السبب
كان منكم في الأصل
سيبتو نا من غير. سبب
ما عرفنا فين الأصل
و بقينا في التوهان
في زمن صبح هلكان
نشبه صحيح انسان
في دنيا " ليها العجب،،،!!!
بقلم الشاعر / ياسر عبد الحميد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.