كل يوم اصحى ونام
غسيل دماغ اى كلام
بطون بتصرخ بالدموع
الظلم فرض عليهم صيام
عيال وسخها التراب
ورغيف مغمس بالعذاب
ورغيف مخطوف جعان
رمى القلم وباع الكتاب
العيال دى ح تبقى ايه
الشوارع والديابه والجنيه
يبيع بلاده ويبيع ابوه
ملاقاش حد ياخد اديه
الاب باع حتى الحديده
يجيب منين هدوم جديده
والحكومه فى برج عاجى
بتقولنا احلام سعيده
#احلام سعيده كلمات الشاعر محمد على خالد#
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.