ياوردة ويا جورية
....................................
قال لي
............
ياوردة ويا جورية رموش العينين
سحروا قلبي وأخدوني مابعرف وين
لا تلوميني ولا تقولي عقلاتك وين
عقلي صاير مرهونك ياقمر نوار
...........................
صاير ليلي ونهاري بفكر فيكي
وبتقصد مر قبالك تا حاكيكي
ومن يوم لشفتك قلبي معلق فيكي
ولعيونك بدي إكتب أجمل أشعار
...........................
يا وردة ويا جورية لكلك إحساس
حني على قلبي شوية يا بنت الناس
تا شيلك بي عينيي وحطك عالراس
وكل الصبايا منك خليها تغار
............................
بنظرة عينيكي الحلوة دوبتيني
وسلبتي عقلي مني وجننتيني
جايي لعندك جايي يا نور عيني
وجايب محبس بإيدي وباقة أزهار
................................................
د . ملك محمود الأصفر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.