جزء من قصيدة انسحابك
بقلمي : وليد الصفتي
انسحابك شئ إرادي
ده لانك شخص عادي
مش ف دايرة لاهتمام
وسط روحك الف كسره
شئ بيبكي اه وحسره
ويسالوك بتقول تمام
طايره افكارك وبارده
زي خيل لجامها شارده
والمشاعر من رخام
عمرى مره مسيره يخلص
شائني مره مسيره يرخص
ينفض كوني م الزحام
.......
اكفر بكل شئ يضرك
وحدتك ماسك ودرك
امتطي صمتك قوام
حزّم الاحزان وشيلها
دنيا فانية اتقل خيرها
ويلا ع الدنيا السلام
اكتفي بعيشك لوحدك
اكتفي بضحكك لحاجدك
صلي بالاموات امام
(٢)
انسحابك شئ طبيعي
وسط كون مليان خِداع
الزهور ملِّت ربيعي
وشمسي هاجرت بالمتاع
...
ضلمتي بهتانة تلهث
أو بتبحث عن شعاع
واما ملت م المناهده
وعانت الأفكار صداع
من وشوش بدأت تبوش
وحوش ولابسه ١٠٠ قناع
...
كل جولة لاقيتني بخسر
بتقتل وبدون صراع
والقضية سارية ضدي
وحكم مَقضي بدون دفاع
....
ف حان موعد زفتك
لموت وجاي بدون وداع
عشت حي لاقيتني ميت
مت انا ب لوي الدراع
...
شكرا يا موكب دفنتي
اكمني مش موهوب شجاع
عشان نجفف غدرهم
ونكتشف مين اللي باع ؟
...
بالتالى سمِّي لخطوتك
وحدتك عامله اجتماع
مغلق لحد ١٠٠ سنه
السوسنه جفت يراع
...
إغْمَقْت الدنيا ف عنيا
ف شكرا لحسن الاستماع
هي الحياة اي غير وجع ؟
او عاهرة ملِّت م الجماع (لمؤاخذه)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.