دنيا عباره عن صور
صوره بتهز مشاعري وتخليني مش ف وعي
وصوره بتشرفني قدام اهل بلدي وتحسسني بكياني وضعي
وصوره بتحسسني بفشلني وأحس دايما بضعفي ومش عارف أسيطر ع نفسي
وصوره بتخليني أخسر كل شىء ملكي وأحس بعجزي ومش قادر أخبي
وصوره تخلي الكل يقدرني ويقدر مجهودي وتعبي بعد حرماني وطولة صبري
وصوره محفوره جوا قلبي عايشه ف خيالي لنهاية عمري.
وصوره بتحسسني بطفولتي وقد ايه الحياه كانت جميله ف نظري
وصوره بتحسسني بظلمي لنفسي وأعز وأغلى شىء كان ف يوم بيضحي من أجلي
وصوره بتذكرني بعذاب وسهري ودموع كانت مابتفرقش خدي.
وصوره بتخليني أفضل الصمت وأحمد ربى وأرضى بنصيبي مع الرغم الجرح آللي ف قلبي.
لكن دنيا وصورها مع مرور الزمن عباره عن صراع وتحدي .
الشاعر طاهر مختار عتيت
شاعر العصر... تحيا مصر
كفرالزيات... اكوه الحصه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.