عارف احساسي بيك
مش انك حروف بتنكتب
ولا انك مشاعر
ولا انك شاعر تحت الطلب
احساسي بيك غير كل دول
احساس غريب من غير سبب
عارف لما تحتاج لنفسك
احساسي بيك
لما يحاولوا يرسموك
بشوق الاحبه
هو نفس شوقي ليك
ويانهار ابيض لما يكتبوك
والله بغير عليك
ولما تغيب ثواني عني
الاقي قلبي
بيامر عيوني
تروح قوام تدور عليك
قولي ياشاعر
هو احساسي ليك
اسمه ايه
وازاي وليه
جيت اهرب من غرامك
غصب عني
لقيت نفسي
عايشه بغرامك
عاشقه كلامك
لقيتني في الاصل
مخلوقه ليك
مقدرش اخبي احساسي بيك
حتي في دمعك
بتخلق مشاعر
واكمني منك حتة ياشاعر
ربنا يستر عليا وعليك
احمد عبدالحق المصري
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.