(( اسير ،،، القلم ))
حكم عليا القلم ،، اكون اسير حبره
و اكتب بإيدي الألم ،، و ف كل شئ جابره
و برغم اني اسير ،، لفيت قليل و كتير
و كتبت عن انسان ،، شايل سنين صبره
رغم الوجع يا قلم ✒ انا كنت ليك صاحب
اسمي بجرة قلم ✒ و ف خطي بتحاسب
لا عمري بيك ،، كليت ،، و ليك كتير حنيت
صابني الوجع و شكيت ،، ما لقيت غيرك صاحب
طول عمري بكتب كلامي ،، في قصة و حكاية
لكن حكايتي معاك ،، ما لقيت،، لها نهاية
كترت في حروفك ،، ترجمتني ،، بكيفك
زودت ألمي ،، يا قلم ،، و تعبت،، ويايا
يا حروف ،، بتنزف ،، ألم ،، و القلم صاحب
و كلام يبوح ،، بالشجن ،، ماقدرش ،، يتعاتب
كترت ديونك معايا ،، اصبحت ليك مديون
ما ،، بلاها كتر جنون ،، و تعالي ،، نتحاسب ،،،!!!
بقلم الشاعر / ياسر عبد الحميد ،،،!!!
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.