رساله من أم الشهيد
.........................
بعتالك مع روحي سلام
بعتالك أحضان وكلام
حسيتك ...
طاير في الجنه
وعلام السعد
في رؤياك
طمني على فرح هناك
كلمني عن الحور يا ملاك
في منامي بقعد وأستنا
وبشوفك قبل ما بلقاك
فاكر لما أنا ..
سبت أيديك
وبتجري وأنا أسمي عليك
في عيوني تكبر قدامي
وبتحلالي الدنيا أنا بيك
كان نفسي ضيك لو طال
ويدوم لي ودك لي وصال
وبأيدك تمسح في دموعي
وتطبطب على كتف رعاك
كان حلمي أفرح بضناك
والشجره تطرح لي هناك
بتوصيني بلاش في دموع
وأفرح لك ولا أبات موجوع
علشانك حزني خلاص داب
والضحكه هفتح لها باب
وأدعيلك ولحد ما أجيلك
لله ما أخذ وجاب
بدعيلك ترتاح في أمان
بدعيلك يا أغلى الأحباب
بقلم .. صبري رسلان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.