وحشتينا ..
....................
وحشتينا يا ست الكل
يا بسمه عالحياه بتطل
ضاع منا الأمان والضل
والشجره رواها المر
وحشتينا يا نبض الروح
وحشنا حضنك الدافي
وقلبك لأبيض الصافي
وأيد بتربي وتأدب
وأيد بحنانها ليل دافي
وعين بتسمي وتصلي
وعين رحمه حجاب شافي
وحشنا خطوه إقدامك
ونظره خوفنا لغيابك
ولما بترجع البسمه
نشوفك جنه ده مقامك
فراقك نار بتكويني
لو أبكي سنين ما يكفيني
يا ضي العين ونور ليلي
يا جنه خصها ديني
بعد أيامي للقاكي
ومهما إن طال ما هنساكي
بعطر دنيتي بتوبك
ويرسم ذكرى لجفونك
وبدعي النور يكون قبرك
ويسعد جنته قدومك
وحشتينا يا ست الكل
بقلم .. صبري رسلان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.