...حلق حوش...للشاعر رمضان البربري
خلي بالك واحزر من الفنكوش
كل ناسة خبيثة تحلق تحوش
وناس أصيلة حطاك في عيونهم
محوطاك ومدارياك بنن الرموش
أصل البطل بتولد من رحم أمة
والسفية بتولد من ضمير مغشوش
تحت لسانهم هم وسم مرشوش
وناس عينيها قادرة تدوس ما بترحم
تخليك مغشوش في كل الوشوش
واعرف إبن الأصول وعلمة
متواضع حتي وانت بتكلمة
وابن الحرام شعرة منكوش
ماشي متقمع ريشة منفوش
وابن الأصول ميتقلش بالمال
وقت المحن والشدائد رجال
تلاقية ليك ضهر وسند
معاك بلي حيلتة من قروش
وناس مناظر وفعل مافيش
تعملك البحر طحينة وخرابيش
تلاقي قلوبها سودة وتطفيش
واكلين حرام ماليين الكروش
وذنب ناس بتخلصة ناس
وبتاع الناس ديما كناس
وانت مش داري يا محتاس
إن الحق تتهدلة عروش
وخاف من أبو كلام معسول
كلام مترتب وكلة منقول
بين دة ودة عمال يقول
وساعة الجد تحلق تحوش
وإياك من أبو خطب رنانة
قال الله والرسول بخوانة
ومبيقولش كلامة بأمانة
عشان هو فيها مرووش
ودنيا كاسها داير مايدور
واللي عايش حقة مبتور
واللي واكل حق الغلابة
وبينهش اللحم زي الديابة
واللي علي عرق النسا عايش
ومهما تقولة مش خايف
أصلة عبيط ومش شايف
وأخرة كلام ع الشفايف
وفي عز الحقيقة مرعوش
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.