بصراحة كلمات/علاء أحمد عبدالنبي

....#بصراحة#....

********

كلمات/علاء أحمد عبدالنبي 

*******************

...#بصراحة#...

********

عايزين نتكلم بهدوء..

عايزين نتكلم بالراحة...

علشان من أحلامنا نفوق....

لازم نتكلم بصراحة...

.....#بصرااااااحة#......

بصراحة أنا وإنت كنا بنلعب....

لعبة كبيرة......

بصراحة أنا وإنت كنا بنكدب....

كدبة جميلة....

كنا اتنين عايشين أوهام...

كنا بنحلم فى الأحلام ...

كل هدفنا..إللى يشوفنا..

يقول إننا عايشين فى غرام..

ولا كان قلبك يوم بهواني...

ولا كان قلبي فى يوم بهواك..

وكل إللى إنت عملتة عشاني..

أنا رديتة برضو معاك..

ولا فكرنا فى جرح قلوبنا..

ولا فكرنا يوم فى عذابنا..

حتى جراحنا بدأت تنزف..

ولا حسينا يوم بالرااااحة..

......#بصرااااااحة#....

بصراحة مشوارنا من أوله...

تمثيل وخداع.....

بصراحة مشوارنا لازم يبقى...

نهايتة ضياع...

مش هيكون فى نهايتة السعد..

علشان كنا بنخدع بعض...

كنت بتكدب. كنت أنا بكدب...

ومكناش بنكمل بعض...

وزى قلوبنا ماجرحت غيرنا...

لف الوقت وجالنا الدور....

زى ما مات قلبنا وضميرنا...

لازم نبكي الدمع بحور...

وإن فكرنا نصالح روحنا...

لازم قبلة نداوى جروحنا...

ويكون الإخلاص جوانا.....

علشان الأحزان طرااااحة....

.....#بصراااااااحة#....