فكرك شاغل عقلي وجاني
~~~~~~~~~~~
َفِكرك يعني انها حباني ؟
عايشه حياتي وكل كياني ؟
فكرك اني حعيش من غيرها
وهي كمان تقدر تنساني ...
ايوه انا عيشت زمان أرضيها
امسح دمعها جوه عينيه
بس دا عمره ماكان يعنيها
وهي كمان بالشوق وخداني
فكرك يعني انها حباني؟
عايشه حياتي وحاسه حناني ؟
فكرك يوم القلب يخونها
فكرك يعني لايمكن اصونها
فكرك حقدر اعيش من دونها
لو حسيت انها تهواني
فكرك يعني انها شرياني ؟
فكرك بُعدها يوم نساني ؟
لسه حبيبتي في قلبي مكانها
لسه بحسها وبحن لها
لسه بشوف بعنيه جمالها
وهي اكيد روحها سمعاني
فكرك يعني ح تنسى مكاني ؟
تمشي وتمحى كمان عنوان ؟
لا ماأظنش ... لسه حبيبتي
لسه بتزعل اوي من غيبتي
لسه عيونها دي برضه قريبتي
وعمر ما يوم الشوق قساني
فكرك حقدر اعيش من غيرها
واما ح تبعد انسى عبيرها
ابدا خالص هي دوايه
لسه باشوف النور بهواي
لسه بغني وهي معايه
احلى زهور الشعر حروفها
فكرك بعد دا كله ح تمشي؟
فكرك قلبي كمان ما تعبشي؟
فكرك بُعد النوم عن رمشي
عمره ماغير حتي في حاله ؟
فكرك يوم اني ابقي امالها ؟
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.