.....خصام .....
مستني فجرك يشق ليلي
والحلم تايه وتاه دليلي
وأنا ف هواكي سؤال
مالوش جواب يرضيني
.....
ف عز بكايا بتضحكي
علي أنيني بترقصي
بتبدلي طريقي وسكتي
وليلك عتمة ف عيني
.......
حتي الكلام معاكي سكات
كأن الفرح بيني وبينك مات
والحلم سنين مستني ميعاد
ترضي عني يوم وترضيني
......
إيه إللي بيننا وإيه جري
مليون سؤال بين ياترى
وخداني ليه سنين ورا
وزرعتي ألف حزن ف عيني
.......
جنونك عدي كل الحدود
بيني وبين حلمي سدود
ولولا شئ م الأمل موجود
كنت قلت إبعدي وفارقيني
.......
أخرج من ليل تهلي ليل
عتمة صعب ألقي دليل
حتي حلمي إللي كان جميل
بيتسحب من تحت بساط سنيني
.......
ساكتة ليه قولي إيه السبب
يادنيا كل ما فيكي عجب
ممكن حبيبتي أطلب طلب
وحياة سنينك عنك إبعديني
.......
أيمن بلال
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.