صبح يا جميل صبح
فك التكشيره وأفتح
شفايفك بأجمل إبتسامه
إروي القلوب العطشانه
للكلمه الحلوه والإبتسامه
إضحك وخلي الكل يفرح
يا عم صبح علينا
دالصباح بيزيد الموده
يقرب الناس من بعضيها
والخصام يدوب بكلمه
بلاش من دي تكشيره
إكسب ثواب النهارده
ليه بتتكبر علينا
دالتواضع حلو برضو
يا عم صبح علينا
بكلمه أو حتى بنظره
لما تعدي علينا صبح
الإبتسامه يا عم صدقه
ليه مستخسرها فينا
حاول تكسبها النهارده
المهم تفك التكشيره
وتفرد وشك علينا
وبلاش من دي شده
الجمال له تقدير منينا
بس التواضع حلو برضو
ولا إكمنك جميل
بتتدلل يا جميل علينا
ولا الجمال
خد أكتر من حدو عندك
أنا هفوتهالك المرادي
مش هفوتهالك بعد النهارده
هتلاقيني وراك زي ضلك
ومش هتهمني المعانده
يا عم صبح علينا
وبلاش معايا المناهده
يا ريت ننساها دي سيره
ونعيش أيامنا بحب وموده
خاطره بقلمي
زغلول الطواب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.