داين تدان
(الجزاء من جنس العمل)
0000///////////////0000
إطعم أبوك وأمك
وإشغل بيهم بالك
ربك يزيح... هَمّك
ويوَفَّقلَك.....عيالك
أدِّب نفسك معاهم
وأطلب دايماً دعاهم
لو نولت يوم رضاهم
تلاقي السعد....جالك
ويهديلك..........عيالك
اعمل لبكرة.....وأصبر
هاتلاقي الخير بيكتر
ومسيرك برضه تكبر
وتلاقي الخير بقالك
أول ماالضهر يحني
والعمر هايجري بيك
وقتها هاتكون في محنة
محتاج اللي يراعيك
هاتلاقي اللي زرعته
هايجي ساعتها وقته
وتشوف نفسك
في إبنك
وهايبقي ضهر.....ليك
كل إللي عملته فيهم
هايبان أكيد نتيجته
هاتصونهم وتراعيهم
هاتلاقي إللي عملته
وقالوا الناس زمان
دايماً داين......تدان
والخير اللي عملته
وقتها يظهر.. ويبان
الشاعر الغنائي/شرف الدين فاروق أحمد
.....
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.