** غنوة جيتار ** ...
انا جيت اغني .. غنوتي ...
قفلوا الببان .. قفلوا الودان
كسروا البيانو .. والكمان
كتبت حرفين .. على الجدار
هدوا الحيطان
جريت بحرفي على الورق ...
عزفت لحني ..واتسرق ...
بكى الجيتار
ورجعت تاني للبلد ...
من غير شعار
الحرف يصرخ والجيتار ...
ألحانه نار
والقلب عالق .. فى الزحام ...
بين العروبة والحصار
والتلج داب
حتي البيوت .. من هجركم
صبحت خراب
هناك ياقلبي .. كانت حبيبتي
كوفية .. عملاها حجاب
لسه الكوفية .. بدمها
وجوه صدري .. بضمها
لكن حبيبة أمها
تحت التراب
قلبي عشق ..
اجمل صبية في برها
والعشق علم ..
والبلد دي مهرها
وانا عشان قلبي حنون
لازم افدي برها
عمري وروحي مهر بلدي
مهر الكوفية .. وحضنها
وهناك معاها جوه جنة ربها
زفوا الشهيد والشهيدة
عروستي دافع مهرها
الشاعر ناصر عطا محمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.