أغنية...عمنالك ايه
طب عمنالك ايه...
تعدي كده من قدمنا...
و تداري عني عنيك...
ده حتي سلام الله...
بجفاك اهو هان عليك...
طب بص ناحيتنا...
شوفنا أحنا عاملين ايه...
طوال غايبك و صدك...
و دلالك شمال يمين...
علي الشباك واقفين...
علشان بس نطل عليك...
مش ده الشباك اللي كان...
متعلقه عليه عنيك...
و قولت الله طالعه...
في بسمه حلوه من شفاتيك...
طب هو احنا عمنالك ايه...
فاكر لما كنا...
زرعنلك علي شباكي...
فل و ياسمين عليه...
و رسم الحنه...
اللي علي كفوفنا...
أيه مش شايف...
حرف اسمك عليه...
طب أحنا عمنالك ايه...
و لا شوفتلك...
شباك تاني و لا ايه...
و في الشباك التاني ده...
ح تلاقي فيه...
قلب بحبه...
ينده بيه عليك...
و لا رموش سهرانه نعسانه...
من هيام و شوق طول الليل...
و احلام حاضنها با ايديا...
و بالمخده حابسه دموع عنيا...
لا تفوئني من حلم شوق سنين...
طب هو احنا عمنالك ايه...
و منديلي كا هديه منك جالي...
و الترتر انا زينته با ايدي عليه...
طب في ايه...
هاجرنا ليه...
حارمنا من جمال عنيك...
قولي ليه...
طب هو احنا عمنالك أيه...
تعدي كده من قدمنا...
و تداري عني عنيك...
ده حتي سلام الله...
بجفاك أهو هان عليك...
هو احنا عمنالك ايه...
مع تحيات شاعر الوجدان الشاعر السكندري/علي الطاووس
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.