خليك معانا دغري لا تلف شمال ولا يمين
احنا الصعايدة في كل مكان في العالم مالكين
لا نخشى الا الله وجوانا
بنحب الناس وعمرنا ماكنا متكبرين
الهيبة عندنا متورثة من الجدود
وعليها متربيين
اوعاك في يوم تهين صعيدي
هيخلي عيشتك طين
الصعايدة
فعلهم واعر و مش بتوع كلام
هتحترمهم تلاقي منهم الاحترام
هتستهزء بيهم هتعيش حياتك كلها الام
احنا الصعايدة
الكلمة عندنا بحساب
والكرم فينا يدّرس في كتاب
لا في يوم بنرد سائل ولا نقفل في وشه باب
في كل مكان تلاقي لينا احباب
وقلوبنا ماتعرفش الخوف زي الديابة
تشوفنا من تعاملنا تقول علينا غلابة
بس وقت الشدة تلاقينا كلنا صلابة
ولسانّا مايطلعش منه العيبة
ولو صاحب غايب عننا بنسد ضهره وقت الغيبة
حتى لما نحب ونعشق بنكون تقال
مش بنجري ورا النسوان زي العيال
أهم شيء عندنا حلاوة الروح مش الجَمال
ولو اتغلط فينا بنخزن الغلط جوانا زي الجِمال
ومهما الحمل زاد علينا تلاقي الراجل فينا حمّال
دايما سابتين وجودنا زي الجبال
كل الي يعاشرنا يحبنا ويقول فينا موال
لابنجري ورا الخسرانة ولا بيهمنا المال
عندنا مثل حافظينه
بنقول دوام الحال من المحال
احنا الصعايدة
أصغر مافينا تلاقيه خيّال
رغم صغر سنه تلاقيه راجل سابت وجوده
مش مجرد خَيال
بنحترم الصغير والكبير
العم والخال
وبعد الكلام دا مافي كلام تاني يتقال
قلم
عصام الإدريسي
23/11/2018
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.