فين اليام اللي دازت
فين الصحاب اللي كانت
فين الحشمة اللي غابت
فين النية والبركة طارت
ولى جيل مايحشم مايرمش
ولى الصغير يشرب ويتحشش
ولى ولد في الاب مايحترمش
ولى الراجل بالراجل ماتفهمش .....
كانت اليام على كلمة تسافر
دبا كلشي ولى قريب غير امر
ولى الهاتف وسهل وبعينك ناضر
واللي كان ينعس بكري ولى يبات ساهر
ندكرو الاجمل من الدكريات
ونشوفو الدنيا كيف كانت وكيف ولات
ونقولو مشات البركة مع جدودنا صحاب الروزات
واللي عندو الشك يتفكر غير كلام امو كيف ليه دعات
الله يسمح لينا منهم
الحيين الله يطول لنا فعمرهم
والميتين ياربي فالجنة سكنهم
وانتم ياربي تتحقق لكم امنيتكم
والله يخلي لكم ما اعز لكم
تحياتي لكم جميعا
الحمراوي احمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.